«Барселона» яримҳимоячиси Дани Олмо қачон жароҳатидан қутулиб, майдонга қайтиши маълум бўлди.
Mundo Deportivo журналисти Жорди Баталянинг маълум қилишича, испаниялик 28 ёшли футболчи ФИФА кунларидан сўнг сафга қайтади ва жамоанинг бўлажак баҳсларида иширок этиши мумкин.
Эслатиб ўтамиз, Олмо Чемпионлар лигаси 3-туридан ўрин олган «ПСЖ»га қарши учрашувда (2:4) жароҳат олганди. Шундан буён у тикланиш жараёнини ўтамоқда.
Шу тариқа, Олмо 22 ноябр куни «Вилярреал»га қарши бўлиб ўтадиган Ла Лига баҳсигача соғайиб улгуради.
Дани бу мавсумда «Барселона» сафида барча турнирларда 12 та учрашув ўтказиб, битта гол урган ва 4 та голли узатмани амалга оширган.
Маълумот учун, Каталония клуби Ла Лига турнир жадвалида пешқадамлик қилмоқда. «Реал» 2-ўринда бормоқда.
