«Барселона» яримҳимоячиси Дани Олмо жароҳатидан тикланиб, Испания чемпионатининг навбатдаги турида майдонга тушиши мумкин. Мundo Deportivo журналисти Хорди Баталлянинг хабар беришича, футболчи «Вилярреал»га қарши баҳсга қадар сафга қайтишга улгуриши эҳтимоли бор.
28 ёшли футболчи УEФА Чемпионлар лигаси учинчи турида «ПСЖ»га қарши кечган ва 2:4 ҳисобида якунланган беллашувда жароҳат олган эди.
Маълумот учун, Олмо ушбу мавсум барча мусобақаларда 12 та баҳсда майдонга тушиб, битта гол ва тўртта голли узатмани амалга оширган.
Эслатиб ўтамиз, «Барселона» ва «Вилярреал» ўртасидаги Ла Лиганинг 13-тур баҳси 22 ноябр куни бўлиб ўтади. Беллашув Тошкент вақти билан 18:00 да бошланиши режалаштирилган.
