«Атлетико» бош мураббийи Диего Симеоне Испания чемпионатининг 12-турида «Барселона»дан учралган 1:2 ҳисобидаги мағлубиятга муносабат билдирди.
«Шогирдларим билан фахрланаман. Ажойиб ўйин ўтказдик. Учрашувнинг катта қисмида ўзимиз хоҳлагандек ҳаракат қилдик. Лекин вазиятлардан фойдалана олмадик. Рақиб эса имкониятларини голга айлантирди.
Иккинчи бўлимда ҳам вазият деярли ўзгармади. Улар тўпга эгалик қилди, аммо хавфли вазиятлар яратмади. Бизда Алварес, Баэна ва Сёрлот орқали имкониятлар бўлди. Рақиб эса битта вазиятдан гол урди.
Хулиан ажойиб футболчи, у биз учун жуда муҳим. У бешта вазиятнинг уч ёки тўрттасида иштирок этди. Унга фақат гол етишмади. Ишонаманки, бу ҳам келади.
Бир ҳафтада икки мағлубият? Фақат хотиржамликни сақлаш керак», — деди Симеоне.
Маълумот ўрнида, Флик жамоаси очколарини 33 тага етказиб, FIFA кунларига пешқадам сифатида йўл олди. «Реал» 30 очко билан 2-ўринда. 28 очкоси бор «Атлетико» эса 3-поғонага тушди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади