«Atletiko» bosh murabbiyi Diego Simeone Ispaniya chempionatining 12-turida «Barselona»dan uchralgan 1:2 hisobidagi mag‘lubiyatga munosabat bildirdi.
«Shogirdlarim bilan faxrlanaman. Ajoyib o‘yin o‘tkazdik. Uchrashuvning katta qismida o‘zimiz xohlagandek harakat qildik. Lekin vaziyatlardan foydalana olmadik. Raqib esa imkoniyatlarini golga aylantirdi.
Ikkinchi bo‘limda ham vaziyat deyarli o‘zgarmadi. Ular to‘pga egalik qildi, ammo xavfli vaziyatlar yaratmadi. Bizda Alvares, Baena va Syorlot orqali imkoniyatlar bo‘ldi. Raqib esa bitta vaziyatdan gol urdi.
Xulian ajoyib futbolchi, u biz uchun juda muhim. U beshta vaziyatning uch yoki to‘rttasida ishtirok etdi. Unga faqat gol yetishmadi. Ishonamanki, bu ham keladi.
Bir haftada ikki mag‘lubiyat? Faqat xotirjamlikni saqlash kerak», — dedi Simeone.
Ma’lumot o‘rnida, Flik jamoasi ochkolarini 33 taga yetkazib, FIFA kunlariga peshqadam sifatida yo‘l oldi. «Real» 30 ochko bilan 2-o‘rinda. 28 ochkosi bor «Atletiko» esa 3-pog‘onaga tushdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi