«Barselona» yarim himoyachisi Gavi Ispaniya chempionatining 12-turida «Atletiko» ustidan qozonilgan 2:1 hisobidagi g‘alabaga munosabat bildirdi.
Kataloniyaliklar uchrashuv boshida gol o‘tkazib yuborganiga qaramay, Fermin Lopesning dubli evaziga irodali g‘alabaga erishdi.
«Atletiko»ga qarshi o‘ynash doim qiyin. Ular bu safar ham bizga jiddiy muammolar tug‘dira olishini ko‘rsatdi.
Bu yerga kelganimizda bizni nima kutayotganini yaxshi bilamiz. Maydonda haqiqiy jang bo‘ladi. Shuning uchun bu g‘alaba juda muhim.
Ikkinchi bo‘limda o‘yinni yaxshi nazorat qildik, uning sur’atini boshqarib turdik. Jamoamiz uchun juda xursandman», — dedi Gavi.
Ma’lumot o‘rnida, «ko‘k-anorranglilar» ayni vaqtda 12 turdan keyin 33 ochko bilan La Ligada peshqadamlik qilmoqda. «Real» 30 ochko bilan ikkinchi, «Atletiko» esa 28 ochko bilan uchinchi pog‘onani band etib turibdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi