«Barselona» Ispaniya chempionatining 12-turida «Atletiko»ni safarda 2:1 hisobida mag‘lub etib, madridliklarga qarshi muvaffaqiyatli seriyasini davom ettirdi.
Kataloniyaliklar ushbu g‘alaba orqali «Atletiko» maydonidagi ustunligini yana bir bor namoyish etdi. Madrid klubi La Liga doirasida 2021-yilning oktabr oyidan buyon o‘z uyida «Barselona»ni mag‘lub eta olmayapti.
O‘shandan beri jamoalar Madridda chempionat doirasida 5 marta to‘qnash kelgan va ularning barchasida kataloniyaliklar g‘alaba qozongan.
Shu tariqa, «Atletiko»ning «Barselona»ga qarshi o‘z maydonidagi ketma-ket mag‘lubiyatlari soni 5 taga yetdi.
E’tiborlisi, Diego Simeone shogirdlari bu safar hisobda oldinga chiqib olganiga qaramay, ustunlikni saqlab qola olmadi va yakunda 1:2 hisobida imkoniyatni boy berdi.
Ma’lumot o‘rnida, Flik jamoasi ochkolarini 33 taga yetkazib, FIFA kunlariga peshqadam sifatida yo‘l oldi. «Real» 30 ochko bilan 2-o‘rinda. 28 ochkosi bor «Atletiko» esa 3-pog‘onaga tushdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi