Ўзбекистонлик гроссмейстер Жавоҳир Синдаров ва ҳиндистонлик Гукеш Доммаражу ўртасидаги шахмат бўйича жаҳон чемпионлиги баҳсининг вақт назорати маълум қилинди.
Унга кўра, дастлабки 40 юриш учун ҳар бир шахматчига 120 дақиқадан берилади. 40-юришдан кейин яна 30 дақиқа қўшилади. 41-юришдан бошлаб эса ҳар бир юриш учун қўшимча 30 сония ажратилади.
Ушбу вақт назорати классик шахматдаги энг узоқ форматлардан бири бўлиб, битта партия 5 соатдан ортиқ давом этиши мумкин.
Маълумот ўрнида, жаҳон тожи учун баҳс 24 ноябрдан 12 декабргача Швейцариянинг Женева шаҳрида ўтказилади. Беллашув 14 та классик партиядан иборат бўлиб, биринчи бўлиб 7,5 очко тўплаган шахматчи чемпион бўлади.
Агар ҳисоб 7:7 бўлса, ғолиб тай-брейкда аниқланади. Соврин жамғармаси эса 2,5 миллион доллар этиб белгиланган.
Аввалроқ Синдаров Clutch Chess Champions Showdown турнири ғолиби бўлгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади