«Кристал Пэлас» раҳбарияти жамоа бош мураббийи Пиер Сажни лавозимидан озод этишни режалаштирмоқда. Бу ҳақда The Athletic хабар берди.
Лондонликлар АПЛда кетма-кет 4 та мағлубиятга учради. Жамоа 10-турда «Ливерпул»га 1:3 ҳисобида ютқазиб, 7 очко билан турнир жадвалининг сўнгги 20-ўрнида бормоқда.
47 ёшли франциялик мутахассис ёзда Оливер Гласнер ўрнини эгаллаган эди. Унинг қўл остида «Кристал Пэлас» барча мусобақаларда 16 та ўйин ўтказиб, 5 ғалаба, 3 дуранг ва 8 мағлубият қайд этди.
Клуб миллий жамоалар ўйинлари учун ажратилган икки ҳафталик танаффусда янги мураббий тайинламоқчи.
Номзодлар орасида Томас Франк, Шон Дайч, Витор Перейра ва Австралия миллий жамоаси устози Тони Попович бор. Шунингдек, раҳбарият Фрэнк Лэмпард вариантини ҳам кўриб чиқмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади