«Реал» бош мураббийи Жозе Моуринио Испания чемпионатида «Валенсия» устидан қозонилган 3:0 ҳисобидаги ғалаба ҳақида ўз фикрлари билан ўртоқлашди.
«Барча футболчилар ўйиннинг мураккаблигини тушуниб, майдонга бор эътиборини қаратган ҳолда чиққани ажойиб.
Эртага «Атлетико» ва «Барселона» ўзаро тўқнашади. Улардан бири ёки иккаласи ҳам очко йўқотиши мумкинлиги сабаб бугун ғалаба қозониш муҳим эди.
Гол ўтказмаслик ва яхши ҳимояланиш ҳам муҳим. Бугун тўпга эгалик қилишда катта устунликка эришдик. Рақиб деярли вазият яратмади. Ҳисоб 0:0 бўлганида Куртуа ажойиб сейв амалга оширди.
АЕКка қарши ўйиндан кейин камбэк ажойиб ҳиссиёт бағишлашини, аммо бу идеал ўйин ўтказмаганингни англатишини айтгандим. Бугун эса ўйинимиз идеал бўлди», — деди Моуринио.
Маълумот ўрнида, бу ғалабадан сўнг «Реал» очколари сонини 30 тага етказиб, 2-ўринга чиқиб олди. «Валенсия» эса 9 очко билан 19-поғонада.
Мухлислар бу янгиликни Telegram’да муҳокама қилмоқда
Изоҳлар Telegram’да очилади