Венгрия футбол федерацияси Доминик Собослаининг тиззасидан олган жароҳати сабаб миллий жамоа йиғинини тарк этмаслигини маълум қилди. Бу ҳақда федерация матбуот хизмати ижтимоий тармоқларда баёнот берди.
Қайд этилишича, футболчи стандарт тиббий кўрикдан ўтган. Тизза боғламлари чўзилганига қарамай, миллий жамоа тиббий штаби сардорнинг имкон қадар тезроқ сафга қайтиши учун яқин кунларда барча чораларни кўради.
Бироқ унинг майдонга тушиши бўйича якуний қарор сўнгги дақиқада қабул қилинмаслиги мумкин. Шу боис Собослаининг иштироки борасидаги вазият ҳали аниқ эмас.
Маълумот учун, Венгрия миллий жамоаси 14 ноябр куни сафарда Грузияга қарши баҳс олиб боради. Беллашув Тошкент вақти билан соат 22:00 да бошланади.
Эслатиб ўтамиз, Венгрия 17 ноябр куни Шимолий Ирландия миллий жамоаси билан ҳам куч синашади. Ҳар икки баҳс УEФА Миллатлар лигаси доирасида ўтказилади.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади