Жозе Моуринио 13 йилдан сўнг Мадриднинг «Реал» клуби бош мураббийи сифатида «Бернабеу»да илк бор ўйин ўтказди ва бу ҳақда ўз фикрлари билан ўртоқлашди.
«Менинг «Бернабеу»га қайтишим яхши якунланди, энди ўйинлар олдидан асабийлашмайман. Ўтган сафар бу ерга «Бенфика» билан (феврал ойида) келганимда, учрашувни автотураргоҳда кўришга тўғри келганди.
Бу сафар эса захира ўриндиғида ўтириб кузатишим мумкин бўлди», — дея Моуринионинг сўзларини келтиради Madrid Universal.
Маълумот ўрнида, «қироллик клуби» ўз майдонида «Реал Сосиедад»ни 4:1 ҳисобида мағлуб этди. Килиан Мбаппе ҳет-трик қайд этган бўлса, яна бир голни Винисиус Жуниор урди.
