«Реал» бош мураббийи Жозе Моуринио Килиан Мбаппенинг мавсумдаги голлари сони ҳақида фикр билдирди. Франциялик ҳужумчи Ла Лиганинг «Реал Сосиедад»га қарши баҳсида ҳет-трик қайд этиб, жамоасининг 4:1 ҳисобидаги ғалабасига ҳисса қўшди.
«Килиан ажойиб футболчи. У 40, 50 ёки 60 та гол уришини айта олмайман. Мен совринлар билан 40 та гол уришини, совринсиз 60 та гол уришидан афзал кўраман.
Мен унинг жамоа учун кўпроқ ишлаган ҳолда 40 та гол уришини, фақат ўзи учун ўйнаб 60 та гол уришидан устун қўяман. Килиан билан боғлиқ вазиятдан жуда мамнунман», — деди Моуринио.
Мутахассис Мбаппенинг жамоа ривожига қўшаётган ҳиссаси, масъулиятни ўз зиммасига олаётгани ва меҳнатсеварлигини ҳам алоҳида эътироф этди.
Моуринио ҳужумчини «Реал Сосиедад»га қарши баҳсда тўлиқ 90 дақиқа майдонда қолдирганини ва ҳатто тўртинчи голни уришига умид қилганини айтди. Винисиус Жуниор гол урганидан сўнг эса уни захирага олишга қарор қилган.
