«Реал» ҳужумчиси Килиан Мбаппе клуб тарихида 100 та голгол+пасга энг тез етган иккинчи футболчига айланди.
Испания чемпионатининг биринчи турида мадридликлар ўз майдонида «Реал Сосиедад»ни йирик ҳисобда мағлуб этди — 4:1. «Қироллик клуби» таркибида Килиан учта гол урди.
Ушбу голлар эвазига Мбаппе «Реал»га қўшилганидан буён 100 та самарали ҳаракатдан иборат маррани забт этди. Энди франциялик ҳужумчининг ҳисобида 89 та гол ва 12 та ассист бор.
Бу борада ундан фақат Криштиану Роналду устун. Португалиялик форвард бу натижага 70 та ўйинда эришган. Мбаппега эса 105 та учрашув керак бўлди.
