«Real» bosh murabbiyi Joze Mourinio Kilian Mbappening mavsumdagi gollari soni haqida fikr bildirdi. Fransiyalik hujumchi La Liganing «Real Sosiyedad»ga qarshi bahsida het-trik qayd etib, jamoasining 4:1 hisobidagi g‘alabasiga hissa qo‘shdi.
«Kilian ajoyib futbolchi. U 40, 50 yoki 60 ta gol urishini ayta olmayman. Men sovrinlar bilan 40 ta gol urishini, sovrinsiz 60 ta gol urishidan afzal ko‘raman.
Men uning jamoa uchun ko‘proq ishlagan holda 40 ta gol urishini, faqat o‘zi uchun o‘ynab 60 ta gol urishidan ustun qo‘yaman. Kilian bilan bog‘liq vaziyatdan juda mamnunman», — dedi Mourinio.
Mutaxassis Mbappening jamoa rivojiga qo‘shayotgan hissasi, mas’uliyatni o‘z zimmasiga olayotgani va mehnatsevarligini ham alohida e’tirof etdi.
Mourinio hujumchini «Real Sosiyedad»ga qarshi bahsda to‘liq 90 daqiqa maydonda qoldirganini va hatto to‘rtinchi golni urishiga umid qilganini aytdi. Vinisius Junior gol urganidan so‘ng esa uni zaxiraga olishga qaror qilgan.
