«Марсел» ҳимоячиси Леонардо Балерди фаолиятини Италия чемпионатида давом эттиради. 27 ёшли футболчи «Рома» сафига келиб қўшилди.
Клуб матбуот хизматининг хабар беришича, римликлар тажрибали футболчини сотиб олиш ҳуқуқи билан ижарага олди. Леонардо янги жамоасида 26-рақам остида ўйнайди.
Маълумот ўрнида, Балерди «Марсел» сафида 200 та учрашувда майдонга тушиб, 6 та гол урган ва 2 та ассист амалга оширган. Шунингдек, ҳимоячи Аргентина миллий жамоаси сафида 11 марта майдонга тушган.
Аввалроқ «Рома» де Ронни «Аталанта»дан ўз сафига қўшиб олгани маълум қилинганди.
