«Бавария» ҳужумчиси Ҳарри Кейн фаолиятининг «Тоттенҳэм»даги даврида «Манчестер Сити»га ўтиши мумкин бўлган. Бу ҳақда «шаҳарликлар»нинг собиқ футболчиси Кайл Уокер talkSPORT Drive эфирида маълум қилди.
«Кейн «Манчестер Сити»га ўтишга жуда яқин эди. Менимча, у фаолиятининг совринлар учун курашишни истаган босқичида эди. У буюк футболчи, аммо ўша пайтда ҳали ҳеч қандай соврин ютмаганди. Бироқ клублар ўзаро келиша олмади», — деди Уокер.
Маълумот учун, Кейн 2009–2023 йилларда «Тоттенҳэм» сафида тўп сурган. 2023 йил ёзида у 95 миллион евро эвазига «Бавария»га кўчиб ўтди.
Эслатиб ўтамиз, Мюнхен клубига ўтганидан кейин Кейн Германия чемпионлигини икки марта қўлга киритди. Шунингдек, у мамлакат кубоги ва икки марта Суперкубок соҳибига айланди.
