Ўзбекистон миллий жамоаси ноябр ойидаги FIFA кунлари доирасида Саудия Арабистони миллий жамоасига қарши майдонга тушади. Бу ҳақда ЎФА матбуот хизмати хабар берди.
Учрашув 17 ноябр куни Қатар пойтахти Доҳа шаҳрида бўлиб ўтади. Ўйин Тошкент вақти билан соат 20:30 да бошланиши белгиланган.
Маълумот ўрнида, Саудия Арабистони миллий жамоаси айни вақтда FIFA рейтингида 55-поғонани банд этиб турибди. Фабио Каннаваро бош мураббийлигидаги Ўзбекистон миллий жамоаси эса 59-ўриндан жой олган.
Ўртоқлик учрашуви.
Саудия Арабистони — Ўзбекистон.
17 ноябр, 20:30.
Доҳа, Қатар.
Фото: ЎФА
Мухлислар бу янгиликни Telegram’да муҳокама қилмоқда
Изоҳлар Telegram’да очилади