Туркия. Шомуродов гол урган баҳсда «Башакшеҳир» ғалабани сақлаб қола олмади

Туркия Суперлигаси 3-турида «Башакшеҳир» ўз майдонида «Қосимпошо»ни қабул қилди. Беллашув 1:1 ҳисобида якунига етди.

Беллашувда дастлаб Элдор Шомуродов 18-дақиқада ҳисобни очди. Бироқ меҳмонлар 81-дақиқада ҳисобни тенглаштирди. Элдор беллашувни тўлиқ ўтказди. Файзуллаев эса танаффусда захирага олинди.

Бу натижадан сўнг истанбулликлар очколари сонини 4 тага етказиб, турнир жадвалида 7-ўринда бормоқда. «Қосимпошо» эса 5 очко билан 6-поғонада.

Туркия Суперлигаси. 3-тур.
Башакшеҳир — Қосимпошо 1:1
Голлар: Шомуродов 18 – Диабате 81
Башакшеҳир — Муҳаммед, Умар Али, Эмин, Опоку, Опери, Кемен (Эргун, 64), Умут, Олсен, ШОМУРОДОВ, ФАЙЗУЛЛАЕВ (Сари, 46), Бозок (Зелке, 73).