«Ювентус» ҳужумчиси Жонатан Дэвид Испаниянинг топ клубига ўтиши мумкин. Бу ҳақда журналист Николо Скира хабар берди.
Маълум қилинишича, канадалик форварднинг янги жамоаси Мадриднинг «Атлетико» клуби бўлиши кутилмоқда. «Ювентус» эса Дэвидни муайян шартлар бажарилган тақдирда мажбурий сотиб олиш банди билан ижарага бериш вариантини кўриб чиқишга тайёр.
Қайд этиш лозим, 26 ёшли ҳужумчи туринликлар сафида ўтган йил ёзидан буён тўп тепмоқда. Унинг амалдаги шартномаси 2030 йил июн ойи охирига қадар мўлжалланган.
Аввалроқ Жонатан фаолиятини Англияда давом эттириши мумкинлиги маълум қилинганди.
