«Атлетико» клуби ҳужумчиси Александр Сорлотнинг хизматларини инглиз гранди «Манчестер Юнайтед»га таклиф қилишди. Бу ҳақда TEAMtalk нашри хабар берди.
Манба маълумотларига кўра, 30 ёшли норвегиялик фаолиятидаги янги чақирувга тайёр. Бироқ «матрасчилар» муносиб ўринбосар топа олмаса, Александрни қўйиб юбормоқчи эмас.
Янги мавсумда Сорлот жароҳат туфайли ҳали майдонга тушганича йўқ. Ўтган мавсумда форвард 54 та ўйинда иштирок этиб, 20 та гол урган ва 1 та голли узатма етказиб беришни уддалаган эди.
Маълумот учун, Сорлотнинг «Атлетико» билан амалдаги шартномаси 2028 йилгача мўлжалланган.
Transfermarkt портали футболчининг актуал трансфер нархини 18 миллион еврога баҳоламоқда.
