Мадрид «Реал» клуби яримҳимоячиси Мануэл Анхел «Фулҳэм» сафига бориб қўшилишга яқин турибди. Клублар битим борасида деярли тўлиқ келишувга эришган, деб хабар бермоқда Diario AS. «Қаймоқранглилар» аввалроқ Испаниядан Англияга йўл олган икки футболчиси Гонсало Гарсия ва Сесар Паласиосда бўлгани каби футболчининг кейинги трансферидан каттагина улуш олади.
Маълумот учун, Мануэл Анхел асосан «Реал»нинг ўринбосарлар жамоаси сафида ҳаракат қилган, асосий жамоа таркибида 7 та ўйин ўтказган.
Transfermarkt портали мутахассислари 22 ёшли испанияликнинг актуал трансфер нархини 5 млн еврога баҳоламоқда.
Эслатиб ўтамиз, аввал «Реал»да ўйнаган ва бош мураббий сифатида фаолият олиб борган Алваро Арбелоа июл ойида «Фулҳэм» бошқарувини ўз қўлига олди.
