«Барселона» бош мураббийи Ҳанс-Дитер Флик жамоа ёзги трансфер ойнаси якунига қадар яна кучайтирилиши мумкинлиги ҳақида фикр билдирди.
«Мен жамоамдан мамнунман, таркибимиздан жуда ҳам мамнунман. Деку трансферлар устида ишламоқда. Агар у жамоани кучайтира олса, айнан шу билан шуғулланади. Аммо бизга ҳеч қандай босим йўқ. Гап фақат янада кучли бўла олишимиз ҳақида», — деди Флик.
Аввалроқ германиялик мутахассис «Барселона» янги марказий ҳужумчи билан шартнома имзолаш имкониятини кўриб чиқаётганини айтганди. Бироқ клуб футболчи харид қилиш учун ҳар қандай шартга рози бўлишни истамаяпти.
ОАВда каталонияликлар «Атлетико» ҳужумчиси Хулиан Алваресни қўлга киритмоқчи экани ҳақида хабарлар тарқалган. Аммо Мадрид клуби аргентиналик футболчини «Барселона»га сотишни истамаяпти.
