Сўнгги пайтларда матбуотда Алехандро Балдени Федерико Димаркога алмаштириш эҳтимоли ҳақида гап кетмоқда. Тахминларга кўра, «Барселона» италиялик футболчини «Интер»дан оғдириб олиб, асосий таркибдаги ўрнини йўқотган 22 ёшли футболчини битимга киритмоқчи. Бироқ, инсайдер Фабрицио Романонинг сўзларига кўра, бу маълумотларнинг реалликка ҳеч қандай алоқаси йўқ. Айирбошлаш бўйича музокаралар олиб борилмаяпти.
Яна бир таниқли инсайдер Николо Скиранинг таъкидлашича, «Интер» Димаркони қўйиб юбормоқчи эмас ва 28 ёшли футболчининг шартномасини узайтириш борасида ишлашни давом эттирмоқда.
Трансфермаркт портали ҳар икки футболчининг актуал трансфер нархини 50 миллион еврога баҳоламоқда.
