Англиянинг «Манчестер Сити» клуби футболчининг вакиллари билан келишувга эришгач, «Ливерпул» яримҳимоячиси Коди Гакпо трансфери учун 85 млн фунт стерлинг (99 млн евро) таклиф қилишга тайёрланмоқда. Бу ҳақда машҳур инсайдер Фабрицио Романо ўзининг Х ижтимоий тармоғидаги саҳифасида хабар берди.
Манбага кўра, «шаҳарликлар» келишувни якунлаш учун саъй-ҳаракатларни кучайтирмоқда. «Манчестер Сити» «Ливерпул»нинг ўйинчига ўринбосар топганидан сўнг, ортиқча қаршилик кўрсатмаслигини кутмоқда.
Маълумот учун, 27 ёшли нидерландиялик футболчи 2023 йил январидан буён мерсисайдликлар сафида тўп тепиб келмоқда. Футболчининг клуб билан амалдаги шартномаси 2030 йил ёзига қадар мўлжалланган.
Transfermarkt портали Гакпонинг актуал трансфер нархини 60 млн еврога баҳоламоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади