Уч карра «Олтин тўп» соҳиби Мишел Платини 2026 йилда ушбу совринни «ПСЖ» вингери Хвича Кварацхелия қўлга киритишини тахмин қилди.
«Ҳаммаси мураккаб, чунки 10 йил давомида биз Месси — Роналду, Роналду — Месси даврини кўрдик…
Энди вазият юмшади. Буни ўтган йили ҳам кўрдик. Шунинг учун битта номни айта олмайман.
Энг фойдали футболчи сифатида Мбаппени айтган бўлардим. Жамоа учун энг муҳим футболчи — Родри. У жуда яхши жаҳон чемпионатини ўтказди.
Ўйини нуқтаи назаридан энг муносиб футболчи — Ламин Ямал. Ҳамма совринларни қўлга киритган номзод эса Фабиан Руис…
Демак, аллақачон тўрт нафар футболчи бор. Лекин мен «ПСЖ» футболчиси Кварацхелияга овоз берган бўлардим», — деди Платини.
Маълумот ўрнида, 2026 йилги «Олтин тўп» совринини топшириш маросими 26 октябр куни Лондонда бўлиб ўтади.
Аввалроқ Хвича Goal талқинига кўра, ғолиблик учун даъвогарлар рўйхатида кучли бешликка киргани маълум қилинганди.
