«Atletiko» tez orada kanadalik hujumchi Jonatan Devidni «Yuventus»dan transfer qilishi mumkin. Bu haqda jurnalist Fabritsio Romano xabar berdi.
«Matraschilar» hujumchini ijaraga olishga tayyor, ammo uning maoshini to‘liq o‘z zimmasiga olishni istamayapti. «Zebralar» bilan muzokaralar esa davom etmoqda. Agar barchasi rejadagidek ketsa, kelishuv bugun, 31 avgust kuni rasman yakunlanadi.
Ma’lumot o‘rnida, Jonatan o‘tgan mavsum A Seriyada 35 ta uchrashuvda maydonga tushib, 6 ta gol urdi va 4 ta assist qayd etdi. Avvalroq Devid faoliyatini Angliyada davom ettirishi mumkinligi ma’lum qilingandi.
