«Chelsi» vingeri Mixail Mudrik «Tottenhem»ga ijara asosida ko‘chib o‘tadi. Bu haqda jurnalist Fabritsio Romano xabar berdi.
«Taqachilar» londonliklar va futbolchining o‘zi bilan bitimning barcha shartlarini kelishib oldi. Ijara shartnomasida futbolchini majburiy bo‘lmagan tarzda sotib olish bandi ham mavjud.
Qayd etish lozim, Mudrik «Tottenhem»da «Shaxtyor»da birga ishlagan bosh murabbiy Roberto De Zerbi bilan yana birga ishlaydi. Shuningdek, 25 yoshli futbolchi 2024 yil noyabr oyidan buyon «Chelsi»ning rasmiy o‘yinlarida maydonga tushmayapti. U doping-testdan o‘ta olmagani sababli diskvalifikatsiyani o‘tayotgandi.
Ma’lumot o‘rnida, «Tottenhem» mavsumni ikkita mag‘lubiyat bilan boshladi. Jamoa o‘tgan mavsumda APLni 17-o‘rinda yakunlagan.
Avvalroq «Chelsi» «Lids»ning Mudrik bo‘yicha ikkinchi taklifini ham rad etgani ma’lum qilingandi.
