«Barselona» bosh murabbiyi Hans-Diter Flik jamoasining La Liga 3-turida «Rayo Valekano» ustidan qozonilgan 5:2 hisobidagi yirik g‘alabasi haqida fikr bildirdi.
«Birinchi bo‘limda fantastik o‘ynadik. O‘tkazib yuborilgan golga yaxshi javob qaytardik, bunday holatlar bo‘lib turadi.
O‘z maydonimizda o‘yinni yaxshiroq nazorat qilishimiz kerak. To‘pga ko‘proq egalik qilishimiz lozim. Bu bizning mentalitetimiz.
Ayrim futbolchilarimiz oldinga borishni va hujum qilishni xohlaydi, ammo ba’zi vaziyatlarda o‘yin tempini pasaytirish kerak.
Asosiysi — uch ochko, mavsumni yaxshi boshladik. Rodri ayrim vaziyatlarda o‘yinni nazorat qilish uchun jamoaga qo‘shilgan. U hali biz bilan atigi bir necha kun bo‘ldi, shuning uchun yanada yaxshilanishi kerak.
Ko‘proq nazorat kerak, chunki raqib juda yaxshi. Ularda bo‘sh zonalarni topa oladigan ko‘plab futbolchilar bor. Shuningdek, ular standart vaziyatlarda ham kuchli», — dedi «Barselona» bosh murabbiyi.
Muxlislar bu yangilikni Telegram’da muhokama qilmoqda
Izohlar Telegram’da ochiladi