"Chelsi" klubi "Lids"ning vinger Mixail Mudrikni ijaraga olish bo‘yicha yuborgan ikkinchi taklifini ham rad etdi. Bu haqda jurnalist Ben Jeykobs xabar berdi.
Avvalroq "tovuslar" ukrainalik 25 yoshli futbolchi borasida birinchi taklifini yuborgan, ammo "Chelsi" ushbu taklif shartlarini qoniqarsiz deb topgan edi. Londonliklar Mixail uchun yaxshiroq shartlarni kutgan.
Endi "Chelsi" "Lids"ni Mudrik uchun ehtimoliy variantlar ro‘yxatidan chiqargan. Shu bilan birga, unga Yevropa va Angliya Premer-ligasining bir qator klublari qiziqish bildirmoqda.
Futbolchi faoliyatini qaysi jamoada davom ettirishi ochiqligicha qolmoqda. "Chelsi" futbolchini ijaraga berish yoki boshqa formatda transfer qilish variantlarini ko‘rib chiqmoqda, biroq "Lids" bilan muzokaralar endi davom etmasligi ma’lum bo‘lgan.
