«Челси» клуби «Лидс»нинг вингер Михаил Мудрикни ижарага олиш бўйича юборган иккинчи таклифини ҳам рад этди. Бу ҳақда журналист Бен Жейкобс хабар берди.
Аввалроқ «товуслар» украиалик 25 ёшли футболчи борасида биринчи таклифини юборган, аммо «Челси» ушбу таклиф шартларини қониқарсиз деб топган эди. Лондонликлар Михаил учун яхшироқ шартларни кутган.
Энди «Челси» «Лидс»ни Мудрик учун эҳтимолий вариантлар рўйхатидан чиқарган. Шу билан бирга, унга Европа ва Англия Премер-лигасининг бир қатор клублари қизиқиш билдирмоқда.
Футболчи фаолиятини қайси жамоада давом эттириши очиқлигича қолмоқда. «Челси» футболчини ижарага бериш ёки бошқа форматда трансфер қилиш вариантларини кўриб чиқмоқда, бироқ «Лидс» билан музокаралар энди давом этмаслиги маълум бўлган.
