«Пахтакор» президенти Жаҳонгир Ортиқхўжаев клуб билан хайрлашишга қарор қилган. Бу ҳақда ўзбекистонлик футбол мутахассиси Алишер Никимбаев хабар берди.
«Тошкентнинг «Пахтакор» клуби ходимларининг айтишича, бугун уларга Жаҳонгир Ортиқхўжаев клуб билан муносабатларни тўхтатишга қарор қилгани маълум қилинган.
Бу кутилган қарор эди, аммо воқеалар бунчалик кескин ва тўсатдан рўй беришига ишониш қийин эди. Менинг тушунишимча, клубда B режа йўқ. «Пахтакор»нинг Элит ОЧЛдаги биринчи ўйинига эса уч ҳафта қолди.
Ҳозирча очиқ манбаларда ушбу қарорнинг расмий тасдиғини топиш қийин. Шу билан бирга, «Пахтакор» 2026/2027 йилги Элит ОЧЛда иштирок этиши маълум қилинган», — дейилади хабарда.
Аввалроқ «Пахтакор» клуби раиси ўринбосари ўз хоҳишига кўра эгаллаб турган лавозимини тарк этгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади