"Paxtakor" prezidenti Jahongir Ortiqxo‘jayev klub bilan xayrlashishga qaror qilgan. Bu haqda o‘zbekistonlik futbol mutaxassisi Alisher Nikimbaev xabar berdi.
"Toshkentning "Paxtakor" klubi xodimlarining aytishicha, bugun ularga Jahongir Ortiqxo‘jayev klub bilan munosabatlarni to‘xtatishga qaror qilgani ma'lum qilingan.
Bu kutilgan qaror edi, ammo voqealar bunchalik keskin va to‘satdan ro‘y berishiga ishonish qiyin edi. Mening tushunishimcha, klubda B reja yo‘q. "Paxtakor"ning Elit OChLdagi birinchi o‘yiniga esa uch hafta qoldi.
Hozircha ochiq manbalarda ushbu qarorning rasmiy tasdig‘ini topish qiyin. Shu bilan birga, "Paxtakor" 2026/2027 yilgi Elit OChLda ishtirok etishi ma'lum qilingan", — deyiladi xabarda.
Avvalroq "Paxtakor" klubi raisi o‘rinbosari o‘z xohishiga ko‘ra egallab turgan lavozimini tark etgani ma'lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi