«Manchester Yunayted» klubi «Everton» markaziy himoyachisi Jarrad Brentuaytga qiziqish bildirishda davom etmoqda. Bu haqda Football Insider xabar bermoqda.
Manba ma’lumotlariga ko‘ra, «Liverpul» ham angliyalik 24 yoshli futbolchining o‘yinlarini kuzatib bormoqda. Mersisaydliklar himoyachining o‘yinini yuqori baholamoqda va kelasi yili uni sotib olishga harakat qilishi mumkin.
O‘z navbatida, «Everton» futbolchining transfer qiymatini taxminan 96 million yevro deb baholamoqda.
Brentuayt bu mavsumda barcha musobaqalarda 7 ta uchrashuvda ishtirok etdi. Futbolchining klub bilan amaldagi shartnomasi 2030-yil yozigacha mo‘ljallangan.
Transfermarkt portali ma’lumotlariga ko‘ra, himoyachining bozor qiymati 45 million yevroni tashkil etadi.
