«Katta dubulg‘a» turkumiga kiruvchi turnirlarining yetti karra chempioni, dunyoning uchinchi raketkasi, ispaniyalik Karlos Alkaras ATP-500 toifasidagi musobaqalarda ketma-ket 22-g‘alabasini qo‘lga kiritdi.
Bugun, 27-oktyabr kuni ispaniyalik tennischi Avstriyaning Vena shahrida o‘tkazilayotgan ATP-500 toifasidagi turnirning dastlabki davrasida dunyoning 24-raketkasi, rossiyalik Karen Xachanovni 6:4, 7:6 (7:5) hisobida mag‘lub etdi. Bungacha Alkaras Tokiodagi ATP-500 turnirlari, Avstraliya ochiq chempionati, Dohadagi musobaqada g‘olib chiqqandi.
Alkaras Venadagi ATP-500ning ikkinchi davrasida Yuriy Rodionov – Nikoloz Basilashvili uchrashuvi g‘olibi bilan ro‘baro‘ keladi. 2025-yilgi turnir g‘olibi dunyoning birinchi raqamli tennischisi, italiyalik Yannik Sinner hisoblanadi.
