«An-Nasr» hujumchisi Krishtianu Ronaldu noyabr oyida Portugaliya milliy jamoasi safida Millatlar Ligasi uchrashuvlarida ishtirok etishi mumkin. Bu haqda O Jogo nashri xabar berdi.
Ma’lum qilinishicha, 41 yoshli futbolchi milliy jamoaning kengaytirilgan qaydnomasidan joy olgan. Shuningdek, Ronalduning jamoadoshlari Samu Ko‘sta va Joau Feliks ham dastlabki ro‘yxatga kiritilishi kutilmoqda.
Bungacha Portugaliya futbol federatsiyasi hujumchini milliy jamoa qarorgohini muddatidan oldin tark etgani uchun 30 kunga diskvalifikatsiya qilib, 255 yevro miqdorida jarima belgilagandi.
Ronaldu Daniyaga qarshi uchrashuv oldidan milliy jamoa ixtiyorini tark etgan. Shuningdek, Norvegiyaga qarshi o‘yinda maydonga tushmaganidan keyin milliy jamoa bosh murabbiyiga bir qator shartlar qo‘yganini aytgandi.
Ma’lumot o‘rnida, noyabr oyida Portugaliya milliy jamoasi Millatlar Ligasi doirasida ikkita uchrashuv o‘tkazadi. Jamoa 14 noyabr kuni Daniya, 17 noyabr kuni esa Uels milliy jamoasiga qarshi maydonga tushadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi