Ertaga, 26-oktyabr kuni o‘tkazilishi rejalashtirilgan «An Nasr» va «Al Vasl» o‘rtasidagi bahs boshqa muddatga ko‘chirildi.
Dastlab bellashuv Saudiya Arabistonining Ar-Riyod shahridagi «Qirol Saud universiteti» stadionida bo‘lib o‘tishi belgilangan edi.
Norasmiy ma’lumotlarga ko‘ra, «Al Vasl» jamoasining ayrim legioner futbolchilari Saudiya Arabistoniga safar qilishdan bosh tortgan. Biroq klub OFKga yo‘llagan murojaatida o‘yinni ko‘chirish zaruratini parvoz bilan bog‘liq muammolar bilan izohlagan.
Hozircha bahsning yangi sanasi haqida ma’lumot berilmagan.
Ma’lumot uchun. «An Nasr» Saudiya Arabistoni, «Al Vasl» esa Birlashgan Arab Amirliklari sharafini himoya qiluvchi klublardan hisoblanadi.
