«An Nasr» va Portugaliya milliy jamoasi hujumchisi Krishtianu Ronaldu «Neftchi»ga qarshi o‘yindan keyin ijtimoiy tarmoqlardagi sahifasida post qoldirdi.
Elit Osiyo Chempionlar Ligasi G‘arbiy mintaqasi 2-turidan o‘rin olgan uchrashuv Riyod klubi maydonida o‘tkazildi. Bahsda mezbonlar O‘zbekiston vakilini 3:1 hisobida mag‘lubiyatga uchratdi.
«Bugungi bahsda muhim g‘alabaga erishdik. O‘sishda davom etamiz», — deb yozdi Ronaldu X ijtimoiy tarmog‘idagi sahifasida.
Portugaliyalik hujumchi uchrashuvning birinchi bo‘limida gol urdi. Bu uning professional faoliyatidagi 981-goli bo‘ldi.
Ma’lumot o‘rnida, «An Nasr» navbatdagi turda BAAning «Al Vasl» klubiga qarshi maydonga tushadi. Ushbu uchrashuv 26 oktabr kuni Saudiya Arabistonida bo‘lib o‘tadi. Riyod jamoasi bu bahsni ham o‘z maydonida o‘tkazadi.
Eslatib o‘tamiz, «An Nasr» birinchi turda BAAning boshqa vakili «Al Ayn»ga yirik 0:4 hisobida yutqazib qo‘ygandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi