«Lill» bosh murabbiyi Davide Anchelotti Braziliya yarimhimoyachisi Bruno Gimaraes va himoyachisi Gabriel dos Santosni milliy jamoaning muhim futbolchilari deb atadi.
37 yoshli mutaxassis 2026-yilgi Jahon chempionati davomida otasi Karlo Anchelotti bilan birgalikda Braziliya milliy jamoasi murabbiylar shtabida ishlagan va ushbu futbolchilar bilan hamkorlik qilgan.
«Biz birgalikda ajoyib tajriba orttirdik va qisqa vaqt ichida yaxshi munosabatlar o‘rnatdik. Axir Jahon chempionati juda tez o‘tib ketadi. Ular — milliy jamoa loyihasining asosiy futbolchilari, kelajakda namuna bo‘ladigan iste’dodlardir. Men ularga nisbatan katta hurmat his qilaman», — dedi kichik Anchelotti Sky Sport Italia nashriga bergan intervyusida.
Har ikki futbolchi klub miqyosida «Arsenal» safida to‘p suradi. Londonliklar 13-oktabr oqshomida Chempionlar ligasi doirasida «Lill»ga qarshi maydonga tushadi.
