Opta YChL favoritlarini ma’lum qildi — «PSJ» va «Barsa» uchlikda yo‘q

Opta superkompyuteri UEFA Chempionlar ligasining ushbu mavsumi g‘olibini aniqlash bo‘yicha o‘z prognozini taqdim etdi.

Manba ma’lumotlariga ko‘ra, bu mavsumda chempionlikni qo‘lga kiritish uchun eng katta imkoniyat o‘tgan mavsum finalchisi — Londonning «Arsenal» klubida. «To‘pchilar»ning g‘alaba qozonish ehtimoli 21 foizga baholangan. Ikkinchi o‘rinda — «Manchester Siti» (18 foiz). Kuchli uchlikdan esa Myunxenning «Bavariya» klubi (17 foiz) joy olgan.

Bugun, 13-oktyabr kuni Chempionlar ligasi umumiy bosqichining ikkinchi turi start oladi. Toshkent vaqti bilan soat 00:00 da «Arsenal» o‘z maydonida «Lill»ni qabul qiladi, «Bavariya» esa Norvegiyaning «Viking» klubi mehmoni bo‘ladi.

«Manchester Siti» 14-oktyabr kuni o‘z maydonida «PSJ»ga qarshi bahs olib boradi.