Морган: «Месси 125 та гол билан якунлади, Роналдуда 146 та. Баҳсга нуқта қўйилди»

Телебошловчи Пирс Морган Криштиану Роналду ва Лионел Месси ўртасидаги «ким энг яхши?» деган баҳс 41 ёшли португалияликнинг фойдасига ҳал бўлганини айтди.

Роналдунинг яқин дўсти бўлган Морган 39 ёшли аргентиналикнинг миллий жамоадаги фаолиятини якунлашини эълон қилганига муносабат билдирди.

«Шошилинч хабар. Лионел Месси Аргентина сафида 125 та гол урган ҳолда миллий жамоадаги фаолиятини якунлади — бу футбол тарихидаги иккинчи энг яхши натижа.

Криштиану Роналду эса Португалия учун 146 та гол урган — бу футбол тарихидаги энг яхши натижа.

Шу билан футбол тарихидаги энг буюк футболчи ким экани ҳақидаги баҳсларга нуқта қўйилди», — деб ёзди Морган.