Месси Аргентина миллий жамоасидаги фаолиятини якунлади

Футбол

31 август, 11:25

39 ёшли ҳужумчи «албиселесте» тарихидаги энг яхши тўпурар ва ассистент саналади.

Tribuna.uz’ни Google’га қўшиш

Месси Аргентина миллий жамоасидаги фаолиятини якунлади

Foto: Getty Images

«Интер Майами» ҳужумчиси Лионел Месси Аргентина миллий жамоасидаги фаолиятини якунлаганини маълум қилди.

39 ёшли футболчи бу ҳақда ўзининг Instagram саҳифасида расмий баёнот берди.

Месси Аргентина сафида 2005 йилдан буён ўйнаётганди. У миллий жамоа билан 2022 йилги Жаҳон чемпионати, икки марта Америка Кубоги (2021, 2024) ва Финалиссимада (2022) ғолиб бўлди. 2026 йилги мундиалда эса Лионел жамоаси билан финалга қадар етиб борди ва унда Испанияга 0:1 ҳисобида мағлуб бўлди.

Месси Аргентина учун 207 та ўйинда 125 та гол урган. Бу — миллий жамоалар даражасида тарихдаги иккинчи энг яхши натижа. Рекордчи Криштиану Роналду эса Португалия учун 233 та баҳсда 146 та тўп киритган.

Шунингдек, Лео ассистлар сони бўйича Аргентинанинг энг яхши ўйинчиси саналади — 68.