«Ювентус» ҳужумчиси Жонатан Дэвид фаолиятини «Атлетико»да давом эттиради.
Инсайдер Фабрицио Романонинг хабар беришича, Мадрид клуби канадалик 26 ёшли футболчининг трансфери бўйича туринликлар билан келишувга эришган. Дэвид «матрасчилар» сафига ижара асосида ўтади.
Келишувда футболчини кейинчалик тўлиқ сотиб олиш ҳуқуқи ҳам кўзда тутилган. Шунингдек, Испания клуби ҳужумчининг маошининг ярмидан кўпроқ қисмини ўз зиммасига олади.
Маълумот учун, Жонатан 2025 йил ёзидан буён «Ювентус» шарафини ҳимоя қилиб келмоқда. У «Лилл» билан шартномаси якунланганидан сўнг Турин клубига эркин агент сифатида қўшилган ва 2030 йил июнига қадар мўлжалланган шартнома имзолаган. Бу вақт давомида у клуб сафида 47 та учрашувда майдонга тушиб, 8 та гол урган ва 5 та голли узатмани амалга оширган.
