Braziliya milliy jamoasi hujumchisi Neymar Vinisius Juniorning jamoa uchun tutgan o‘rni haqida fikr bildirdi.
JCH-2026 guruh bosqichining 3-turida Braziliya Shotlandiyani 3:0 hisobida mag‘lub etdi. Ushbu bahsda Vinisius dubl muallifiga aylandi, Neymar esa 76-daqiqada zaxiradan maydonga tushib, 2023 yildan beri milliy jamoa safidagi ilk uchrashuvini o‘tkazdi.
«Muxlislar va atrofimdagi barcha meni qo‘llab-quvvatlayotganidan xursandman. Ammo bundan ham muhimi, jamoamiz yaxshi o‘yin ko‘rsatayotganidir.
Vinining hozirgi sport formasidan juda xursandman. U bugungi kunda Braziliya terma jamoasining asosiy futbolchisi. Vinisius ajoyib formada, bizga yordam bermoqda va o‘yinlar taqdirini hal qilmoqda. Bu jamoamiz uchun juda muhim.
Endi oldinda pley-off bahslari turibdi. Asosiy maqsadimizga erishish uchun g‘alaba qozonishda davom etishimiz kerak», — dedi Neymar.
Ma’lumot uchun, Vinisius Junior JCH-2026 guruh bosqichida 4 ta gol va 1 ta assist qayd etib, turnirning eng sermahsul futbolchilaridan biri bo‘lib turibdi.
