Angliya milliy jamoasi hujumchisi Olli Uotkins bosh murabbiy Tomas Tuxelning ish uslubi haqida fikr bildirdi.
«Tuxel futbolchilarga baqirishdan qo‘rqmaydi. U juda talabchan mutaxassis va o‘z standartlariga ega. Murabbiy futbolchilar aynan shu talablarga javob berishini istaydi.
Agar jamoaning maqsadi Jahon chempionatida g‘olib chiqish bo‘lsa, bu zarur. Xorvatiyaga qarshi bahsda xatoga yo‘l qo‘yganimda murabbiy menga baqirmagani uchun omadim kelgan», — deya Uotkinsning so'zlarini keltirdi jurnalist Genri Vinter.
Ma’lumot uchun, Angliya milliy jamoasi Jahon chempionati guruh bosqichidagi ilk turda Xorvatiyani 4:2 hisobida mag‘lub etgan. Tomas Tuxel shogirdlari navbatdagi bahsni 23 iyun kuni Gana milliy jamoasiga qarshi o‘tkazadi.
