Ispaniyaning «Real Madrid» va Germaniya milliy jamoasi sobiq yarimhimoyachisi Toni Kroos Angliya milliy jamoasi hujumchisi Harri Keynning JCH-2026dagi harakatlarini yuqori baholadi.
«Hozirda u ham bosh bilan, ham oyoq bilan dunyodagi eng yaxshi zarbaga ega. U bu kabi to‘plarni qanday mohirlik bilan boshqarayotgani, hayratlanarli. Agarda Angliya shu ruhda davom etsa, musobaqada g‘olib bo‘lishi ham hech gap emas», — deya Kroos so‘zlarini keltirdi BILD nashri.
Eslatib o‘tamiz, jahon chempionati-2026 1-turi doirasida 17 iyun kuni Tomas Tuxel boshchiligidagi Angliya milliy jamoasi Xorvatiyani mag‘lubiyatga uchratdi (4:2). Harri Keyn ushbu bahsda dubl muallifiga aylandi.
