"Navbahor" yarimhimoyachi Asadbek Rahimjonov bilan shartnoma imzoladi. Bu haqda klub matbuot xizmati xabar berdi.
"Rahimjonov 2004 yil, 18 fevral kuni Namanganda tugʻilgan. U faoliyati davomida "Turon", "Olimpik", "Bunyodkor" kabi jamoalar safida oʻynagan. Bundan tashqari, Asadbek Oʻzbekiston U-23 jamoasi tarkibida 20 ta oʻyinda maydonga tushgan.
Asadbek Rahimjonovga "Navbahor" tarkibida yorqin oʻyinlar namoyish etib, "lochinlar"ning zafarlarga oʻzining munosib hissasini qoʻshishiga tilakdoshmiz. Jamoamizda xush koʻrdik, Asadbek", — deyiladi xabarda.
Avvalroq Katulondi Kati "Navbahor"ni tark etgani ma'lum qilingandi.
