Haiti milliy jamoasi pley-offga chiqa olmasligi aniq bo'lgan ilk jamoaga aylandi.
Jahon chempionati guruh bosqich 2-tur doirasida Haiti milliy jamoasi Braziliyaga 0:3 hisobida mag'lub bo'ldi. Gollarga Vinisius va Kunya (dubl) mualliflik qildi.
Haiti hozircha ochko to'play olmagan holda guruhda so'nggi o'rinni egallab turibdi va 3-o'rindagi Shotlandiyadan 3 ochkoga ortda. Hatto so'nggi turda g'alaba qozongan taqdirda ham haitiiliklar Yevropa vakillarini ortda qoldira olmaydi, chunki o'zaro o'yin natijasi bo'yicha ular mag'lub bo'lgan.
Guruhda esa Braziliya va Marokash milliy jamoalari 4 ochkodan to'plagan holda peshqadamlik qilmoqda.
