Braziliya milliy jamoasi vingeri Rafinya JCH-2026 guruh bosqichining 3-turida Shotlandiyaga qarshi uchrashuvni o‘tkazib yuboradi. Bu haqda taniqli insayder Fabritsio Romano xabar berdi.
Ma’lum bo‘lishicha, futbolchining o‘ng son mushagida jarohat aniqlangan. Braziliya jamoasi shifokorlari o‘tkazgan tekshiruvlar ushbu tashxisni tasdiqlagan.
Rafinya mundialni tark etmaydi va terma jamoa qarorgohida qoladi. U pley-off bosqichiga qadar safga qaytish uchun intensiv davolanish kursini o‘taydi.
Eslatib o‘tamiz, 29 yoshli futbolchi Haitiga qarshi 2-tur uchrashuvida jarohat olgan edi. O‘yinning 40-daqiqasida u maydonga o‘tirib qolgan, shundan so‘ng tibbiy brigada yordam ko‘rsatish uchun maydonga chiqqan va futbolchi almashtirilgan.
