Бразилия миллий жамоаси вингери Рафиня ЖЧ-2026 гуруҳ босқичининг 3-турида Шотландияга қарши учрашувни ўтказиб юборади. Бу ҳақда таниқли инсайдер Фабрицио Романо хабар берди.
Маълум бўлишича, футболчининг ўнг сон мушагида жароҳат аниқланган. Бразилия жамоаси шифокорлари ўтказган текширувлар ушбу ташхисни тасдиқлаган.
Рафиня мундиални тарк этмайди ва терма жамоа қароргоҳида қолади. У плей-офф босқичига қадар сафга қайтиш учун интенсив даволаниш курсини ўтайди.
Эслатиб ўтамиз, 29 ёшли футболчи Ҳаитига қарши 2-тур учрашувида жароҳат олган эди. Ўйиннинг 40-дақиқасида у майдонга ўтириб қолган, шундан сўнг тиббий бригада ёрдам кўрсатиш учун майдонга чиққан ва футболчи алмаштирилган.
