Бразилия миллий жамоаси бош мураббийи Карло Анчелотти шогирди Рафиняни қўллаб-қувватлади ва унинг мундиалдаги ўйинига муносабат билдиришда «хотиржамлик, сабр ва вазминликка» чақирди.
«Рафиня ҳужумнинг исталган нуқтаси ўйнаши мумкин, сабаби унинг босиб ўтган йўли шуни исботламоқда. «Лидс Юнайтед»да Марсело Белса қўл остида у ўнг қанотда ҳаракат қиларди, «Барселона»да ўнг қанотда бошлаб, кейин чапга ўтди. Бу ерда ҳам у ўзини яхши томондан кўрсата олади, чунки у дунённиг энг яхши футболчиларидан бири», – дея Анчелотти сўзларидан иқтибос келтирди Mundo Deportivo.
Эслатиб ўтамиз, АҚШ, Канада ва Мексика мезбонлигида ўтаётган жаҳон чемпионати-2026 19 июлга қадар давом этади.
Маълумот учун, 2-турдан кейин Бразилия C гуруҳида етакчи бўлиб турибди. Гуруҳ босқичининг сўнгги турида жамоа Шотландияга қарши (25 июн) майдонга тушади.
